Монголын анхны хувьцаагаар баталгаажсан токен

Үнэт цаасыг токенжуулж хөрөнгө босгох нь уламжлалт хэлбэрээр үнэт цаасыг олон нийтэд санал болгох үйл явцтай харьцуулбал цаг хугацаа, хөрөнгө мөнгө хэмнэхийн зэрэгцээ хөрөнгө оруулагч нарт тэгш боломж олгож буй тул ICT GROUP нь дэлхий нийтийн чиг хандлагын дагуу токенжуулсан үнэт цаасыг хөрөнгө оруулагч нарт санал болгож байна.

ICTG токен нь Монголын анхны “Security Token” бөгөөд www.trade.mn крипто бирж дээр 2021 оны 5 дугаар сарын 24-ны өдөр бүртгэгдэн арилжаалагдаж эхэлсэн. 1 ширхэг ICTG токен нь АЙСИТИ ГРУПП ХК-ийн 1 ширхэг хувьцаанд хөрвөх боломжтой бөгөөд токен эзэмшигч хүсэлт гарган токеноо хувьцаанд хөрвүүлж, Үнэт цаасны төвлөрсөн хадгаламжийн төвд АЙСИТИ ГРУПП ХК-ийн хувьцаа эзэмшигчээр бүртгүүлэх боломжтой юм.